Posté le 12 juin 2024 à 13h37

L'AUBE NOUVELLE: TOHAN BENƐ́ TƆ́N

Dudo:

Hangbe ɖé ɖí sín ayìtéhɔnnù,  mi nɔ se à ?

 

Yiyi

Benɛtovi lɛ́ɛ mi, mi sítè

Ooo ! mi sítè b’a nyi mi ɖesu,

Ayǐ ɖò hunhɔn d’ayì jí wɛ̀, mi bo fɔ́n !

 

Ko 1^ɔ

Ɛɛn sín hwexónu wɛ  yɔlɔ́ élɔ́

Kó sɔ́ akpákpà Tɔ́gbó mìtɔ́n lɛ́ɛ

Bɔ́ yě kó jɛ̀ gòdó mɛ̀

Lobo kpan’kɔ́n, bó vankan

Kpódó xomɛhúnhún kpán Bó yì sozonu

Bɔ kanjɔ kɔn ny’ayì bǐ ványá-ványá.

 

Ko 2^ɔ

Benɛto lí ɖó té tɔ́ din tɔn lɛ́ɛ,

Mi lɔ kán wezun wá,

Mi sɛ̀ ta kpélé bo má sɔ́ kanlan gbe ó

Bá mɔ̀ gàn dó wà to yɛ  zɔ́, nú é ná yì ta,

Bonú vìvú vivú mǐtɔn lɛ́ɛ ká ná wa

Mɔ̀ gù tɔ́n bá ɖu la.

 

Ko 3^ɔ

Xomɛsin kpódó wàngbɛ́númɛ-jɔhɔn

ɖò nyinyi wɛ̀ dó Kɛ lɔ ji

Cobò Benɛvi, ma lìn nu ɖé ó,

Vò bo gò bɛlɛɛwò

Bo gò bónú nùɖé má gb’ayi dó nú wé o,

Ado kún nɔ hu só-wínnyá ó !

 

Ko 4^ɔ

Vɛ ɖè ji dó sɔ wú bó kpɔ́n àsíyá tówè

Sin tɔ́n amamú lɔ́ nyí nukúnɖúɖó tówè

Bɔ vɔvɔ lɔ́ finlin wè  ta è tɔ́gbó tówé lɛ́ɛ

Yě kó syɛn sin hwexonu é

Kokólójónɔ ká ná jiɖe wè ɖɔ̀

Dɔkun lɔ́ à nà wá mɔ́ dódó.

 

Ko 5^ɔ

Má ɖɔ̀ Benɛto cé lɔ,

só è hwesivɔ́ nɔ́ bálá ta ná nyɛnɛnɛ lɛ́ɛ,

Děkán má ɖó xixà, gbèhán é ɖ’àgbafáfà lɛ́ɛ wɛ̀ Sɛ̀ sɔ́ dó b’àcɔ́ nú wè;

A nyɔ́ ɖɛkpɛ̀ bɔ́ kènú hùnú bǐ nɔ́n kpá wè

Gelesì ɖè kun nɔ́ xo kan ɖ’ayì towe jí

cóbó nɔ́ mɔ́ nùɖúɖú ó.

 

Ko 6^ɔ

Oóò ! Benɛ, vì tówe lɛ́ ní ɖó gbè kpɔ́

bó sɔ́ nukɔnyiyi nú

Ðì nɔví nɔví ɖɔhùn,

Bo ɖó nukún ɖɔ̀ wɔ̀ ná jɛ̀,

Wɔ̀ ná jɛ̀, bɔ̀ wɔ̀ ná jɛ̀

Bɔ̀ vìvú vivú towe lɛ̀ ná wá mɔ́ bó ɖù

Ðɛ̀ è mì kɔn nɔ́ xó nú wè tɛgbɛ lé éé ká nɛ.

 

Padri Barthélémy AÐUKONU

kpo Mɛɖaxó Innocent KAGBOTEMI kpó

wɛ́ tínmɛ dó fɔngbe mɛ.